TERUS IDUP ENGGAU KRISTUS – Bagian 6

Bekelala enggau Roh Tuhan – Bagian 1

1.      Roh Tuhan tu meh pemeri Tuhan ti besai ngagai bala orang Kristen iya ti amat. Sebedau Jesus mati ba atas kayu regang Iya besemaya ngagai bala murid, Iya deka ngirum Roh Tuhan ti deka begulai enggau sida belama iya.

(Baca Galatia 4:6 “Kena ngayan ka kita anak iru iya, Allah Taala ngasoh Roh Anak iya diau dalam ati kitai, Roh Kudus ti ngangau, “Apai, Apai aku.”)

2.      Roh Tuhan bisi pendiau iya empu. Jesus ngangau ngena tamang “Iya” madah ka pasal Roh Tuhan.

(S) Baca John 16:13-14 “Tang leboh Roh Pemendar datai, iya deka ngiring kita ngagai pemendar. Iya enda bejako ka diri empu, tang iya deka bejako ngenang ka utai ti didinga iya lalu nusoi ngagai kita pasal utai ti deka datai. Iya deka meri mulia ka aku, laban iya deka nyambut utai ti disebut aku lalu nusoi iya ngagai kita.” Berapa kali Jesus ngena leka jako “Iya” madah ka pasal Roh Pemendar (Roh Tuhan)?

(J) 6 kali

3.      Jesus ngangau Roh Tuhan, Kunsil. Reti iya nya Penyaup enggau Pengajar, iya nya ti semampai deka nyaup sereta ngajar kita dalam niap bengkah utai dalam pengidup kita.

(S) Baca John 14:6 :Penyaup, iya nya Roh Kudus, ti deka di asoh Apai dalam nama aku, deka ngajar kita genap bengkah utai, lalu ngasoh kita ingat ka samoa utai ti udah di-ajar aku ngagai kita. Kati ko kunsil tu tau mantu kita?

(J) Roh Tuhan deka ngajar sereta ngasoh kitai ingat

4.      Roh Tuhan udah ngambu kita nyadi Anak Tuhan. Ukai kita nyadi ka diri empu orang Kristen. Tuhan meh ti ngasoh kita nyadi orang Kristen enti kitai udah arap ka Jesus.

Baca John 3:5-8. Disaut Jesus, “Enggau bendar aku madah ka kita: nadai siko orang ulih meda Perintah Allah Taala enti iya enda di-ada ka ulih ai enggau Roh Kudus. Anak ti di-ada ka mensia iya nya nitih ka gaya pengidup mensia ti bedosa, lalu anak ti di-ada ka Roh Kudus iya nya dikembuan Roh Kudus. Anang Tekenyit ati kategal aku ti madah ka kita, ‘Kita enda tau enda ada baru.’ Ribut ti betiup barang endor iya deka; kita ninga munyi iya, tang kita enda nemu ari ni penatai iya lalu kini ka iya betiup. Baka nya mega samoa orang ti di-ada ka Roh Kudus.”

5.      Kitai nerima Roh Tuhan maya kitai ngaku sereta arap ka Jesus. Tang tiap hari mega kita deka ngasoh Roh Tuhan bekuasa dalam nuan sereta nguna kuasa nya kena idup enggau lurus.

a)      Baca Epesus 5:18 Anang mabok kategal ngirup ai bias, ti semina ngenusah ka kita; tang kita patut penoh ulih Roh Kudus. Tuhan ngasoh tuboh kitai penoh enggau Roh Kudus Pesan tu patut di asi ka amat. Kita semampai deka ngasoh Roh bekuasa dalam pengidup kita. Kita mega patut besampi minta ngagai Roh Tuhan awak ka iya semampai bekereja dalam kita setiap hari. Enti kitai udah ngereja ka utai tu, Roh Tuhan deka semampai NOLONG, NGAJAR, sereta NGIRING kita belama.

b)      Nama juluk ati kita di asuh kita Roh Tuhan nyaup kita? (saut dalam ati diri empu)

Minta meh kita laban Tuhan endang semampai nulong kita laban iya endang Penyaup ti bendar.

Genteran ti tau di kingat

Galatia 4:6