Jesus, "Orang Ti Nadai Pemujur"

Note: Aku minta kita maca enggau silik, lalu peda kita nama message di sampai ka penulis tu. Mayuh orang sekilas macha lalu terus ringat. Sebenar iya bisi moral ti enda di peda kita. Nyadi tu siti contoh ti manah kena kita nguji penemu kita mereti ka message di baruh tu.


Jesus Orang Ti Nadai Pemujur
Jesus ti di kelala aku orang ti nadai pemujur. Nama kebuah aku madah baka nyak?
1.Indai Iya ngampang ngada ke Iya
2.Apai angkat Iya mina tukang kayu ti miskin.
3.Iya ada ba kadang chapi.
4.Iya nadai pelajar ti tinggi.
5.Iya ukai orang ti beduit. Iya nadai reta tengkira.
6.Iya nadai bini anak.
7.Iya enda di terima bala kaban belayan diri ba negeri diri empu.
8.Iya nulong orang ke ngemelik enggau ngelese ke Iya.
9.Keterubah Iya bisi beribu murid, tang pengujung ia semina berapa iko aja ti tinggal.
10.Siko ari 12 iko “kaban” ti cukup teleba begulai enggau Iya nyual Iya, sebelas iko agi enda kiruh ke Iya lebuh Iya beguna ke sida.
11.Iya nadai kala bisi pengawa ti meruan enggau bepangkat.
12.Iya di pechara lalu ditunggu ngereja penyalah ti enda dikerja Iya, lalu Iya ditemu salah.
13.Iya mati di regang sama sebaka enggau penyamun, ti naka ia ngemalu ke diri pia mega nadai siko orang pan nulong Iya, taja pan Allah Talla.
14.Nyentuk ke kemaya ari tuk, perkara ti di ajar Iya enda di terima pia mega selalu di kemelik ke orang di dunya tuk.
15.Tuk ti penudi ia, 100% ari orang ti nitih ke Iya nyak meh orang ti ngaku diri ngembuan dosa dalam pengidup sida.

Ya, sigi amat. Enti kitai berunding sapa Jesus ari gaya runding dunya, Iya sigi orang ti nadai pemujur.
Tang enti kitai ngembuan Kristus dalam ati, kitai deka mereti semua pengawa ti dipeda enda mujur ari mata dunya nyak meh pengering ti ngalah ke semoa kuasa pemetang, nyak meh ti meri pemenang ke kitai ti idup nyadi anak Allah Tallah.

Ari nyak meh kuasa ti meri kitai pengering ngena ngalah tipu antu sitan enggau menang ari pengelemi diri.
Laban Jesus udah dulu ngasai semua penanggul-penanggul ti kala nyadi dalam idup kitai.
Enti kitai kala enda diterima, kala dikemelik ke orang, kala dituduh orang ngereja penyalah, kala ngasai di tinggal ke kaban ti teleba begulai enggau kitai lebuh penusah datai. Enti semak bisi serakup orang ti kala ngasai semua nyak, aku nyaran ke JESUS meh orang ti patut jadi ketuai ba serakup nyak.

Jadi enggau tuk aku simpulkan blog tuk enggau jako Tuhan tuk.
Filipi 2:6-8
2:6 yang walaupun dalam rupa Allah, tidak menganggap kesetaraan dengan Allah itu sebagai milik yang harus dipertahankan,
2:7 melainkan telah mengosongkan diri-Nya sendiri, dan mengambil rupa seorang hamba, dan menjadi sama dengan manusia.
2:8 Dan dalam keadaan sebagai manusia, Ia telah merendahkan diri-Nya dan taat sampai mati, bahkan sampai mati di kayu salib.

1 Korintus 3:19
For the wisdom of this world is foolishness with God. For it is written, "He catches the wise in their [own] craftiness";

Sampi Kitai:-
Tuhan Jesus Kristus ti chukup menyana chukup siru, aku datai ngemaruh ke diri minta ampun laban ngelama tuk aku enda ngelala sapa Nuan ti kala mati enggau idup belama ia. Ampun ke dosa aku Allah Talla Apai di serega laban ngelama tuk aku mina ngelala nuan ari jerita orang bukai, ngelama aku nadai ati rindu deka ngelala sapa Nuan laban mina AKU ti jadi tuan dalam pengidup aku. Kasih ke aku Jesus, datai meh ke dalam ati kemaya tuk mega jadi TUAN RAJA enggau TUHAN JURUSELAMAT dalam idup aku. Aku udah cukup ngesal ati laban ngelama tuk mina jadi kristian ti mina ngiga Nuan lebuh tusah, tang dituk Jesus aku meri diri dibersi meri diri si dituchi enggau DARAH KRISTUS ngambi ke aku ulih jadi ANAK NUAN. Aku ngaku Nuan udah mati ari ketiga idup baru sampai belama, lalu jadi TUHAN dalam pengidup aku. Iri aku enggau kuasa Roh Kudus Nuan, ngambi ke aku bisi pengeridu mereti ke jako NUAN lalu bisi pengering nitih ke jalai Nuan ti bendar. Datai meh Roh Kudus, datai meh TUHAN JESUS KRISTUS dalam ati dalam pengidup aku maya tuk mega.Dalam Nama TUHAN JESUS KRISTUS aku besampi.amen.