JESUS deka datai baru enda lama agi… Nemu kita kemaya???

Tuhan Jesus deka datai
baru lalu Iya meri kitai tanda tu:

Baka leboh rambau Noah
menya, baka nya mega iya deka nyadi rambau hari Anak Mensia – Luke 17:26

Meda penyai pengawa ti dikereja mensia di serata dunya, lalu pia mega ati sida seruran deka ngereja

penyalah, dia Tuhan ngesal bendar ati, ensepi diri udah ngaga mensia lalu
ngator sida diau dalam dunya. Ati iya balat bendar tusah. – Pemungkal 6:6

Samoa utai idup dalam dunya – burong, jelu babas, jelu tupi, utai ti ngerayap enggau mensia, bela

mati magang. Samoa utai idup dalam dunya mati magang. Tuhan ngerusak samoa utai
idup dalam dunya, nyengkaum mensia, jelu tupi, jelu babas, utai ti ngerayap
enggau burong. Samina orang ti enda di rusak, iya nya Noah enggau samoa sida ti
enggau iya dalam bandong. – Pemungkal 7:21-23

Samina Noah ti diau dalam pengelurus aja di selamat ka. Patut ka utai tu nyadi ba jaman kitai ka

diatu ti di padah Tuhan ka kitai dulu menya?

Genap iko orang ngelantang ka diri makai enggau ngirup, sida ti lelaki enggau indu ti nikah

datai ka hari penudi bendar, leboh Noah tama dalam bandong, lalu bah besai
datai ngelamun samoa sida. – Luke 17:27

Tang aku deka ngaga sempekat enggau nuan. Tama nuan ngagai bandong nya begulai enggau sida bini

anak nuan, enggau menantu nuan. – Pemungkal 6:18

Ko Tuhan bejako enggau Noah, “Bai samoa kita sabilik tama ka dalam bandong, laban ari samoa orang

diserata dunya, semina nuan aja ti udah, ditemu aku lurus. Pemungkal 7:1

Iya enggau bini iya, bala anak iya enggau bini sida, tama ka dalam bandong, ngelari ka diri ari bah

besai ti deka datai ngampoh ka dunya - Pemungkal 7:7

Penatai Anak Mensia deka baka penusah ti nyadi leboh rambau Noah menya. Baka hari ti apin bah besai

nyadi, orang mayoh makai enggau ngirup, sida ti laki enggau ti indu nikah,
datai ngagai hari Noah tama kedalam bandong; tang sida lalu enda nemu utai ti
deka nyadi datai ngagai bah besai ngelamun sida. Nya gaya utai ti deka nyadi
leboh Anak Mensia datai. – Matthew 24:37 –39

Orang deka ngangap Lucifer Tuhan sida iya…Jako Bup Kudus udah enda agi diterima orang, bala sapa

orang ti meri jako ajar, deka di perinsa. Lalu dunya berengkah enggau siti
perintah kena digaga ka kuasa ti pemadu kering ba dunya tu

Ingat ka tu! Penusah besai deka datai leboh maya pengujong dunya. Mensia deka berunding ka diri empu

aja, amu, sumbong, sereta ngemesai ka diri; sida deka mejah orang, enda ngasi
ka apai indai diri, enda malas penelap sereta enda tuchi; sida deka jai ati,
nadai pengasih, betenah ka orang, kasar sereta mangah enggau orang: sida deka
begedi ka utai ti badas; enda tau dikarap, keras sereta sumbong ati, sida rindu
ka pengelantang dunya lebih agi ari Allah Taala, gamal sida baka ti megai
pengarap kitai tang sida nulak kuasa iya ti bendar. Anang begulai enggau orang
ti baka nya.” – 2 Timoti 3:1-5

Kemaya ari tu udah nyadi utai baka ba jaman Noah.

Maya Tuhan Jesus datai, nadai siko orang deka nyangka penatai iya – “Aku deka datai baka penchuri, lalu

nuan mega enda nemu maya jam aku deka datai

" – Pemandang 3:3

Nadai siko pan kiruh ka penatai Tuhan… Gerija nyau makin rusak enggau roh ti jai.

Samoa orang ti diau dalam dunya deka nyembah jelu nya. Orang ti enda nyembah iya semina sida ti bisi nama
ditulis dalam Bup Pengidup ti enggi Anak Domba, ti endang diletak ka dibunoh
kenyau ari penumboh dunya – Pemandang 13:8

Kristus bisi madah jaman ka lebih agi pengerusak ari jaman Noah.

Laban leboh maya nya pemerinsa deka pemadu balat – balat agi ari pemerinsa ti udah kala nyadi kenyau
ari dunya bisi kelia, datai ka sahari tu. Nadai mega utai ti baka nya agi deka
nyadi ka jemah ila.

Tuhan ngukom penyai jaman Noah enggau pengerusak.

Kitai diatu mega deka ngasai ka iya enda lama agi…

Sekumbang kitai ti nganti pengelantang ba Hari ti endang di-adang kitai, leboh maya mulia Jesus

Kristus ti Allah Taala enggau Pengelepas kitai pegari. – Titus 2:13

Leboh bunyi panjong ti meri ukum,munyi nyawa pengulu melikat, munyi terumpit Allah Taala, Tuhan empu

deka nurun ari serega leboh nya ila. Barang sapa ti udah mati sereta arap ka
Kristus deka angkat dulu; udah nya kitai ti agi idup leboh maya nya deka
digempuru ka enggau sida di remang, betemu enggau Tuhan di langit. Nya alai
kitai deka selalu begulai enggau Tuhan. Nya alai kitai patut ngelantang ka
pangan diri enggau jako nya. – 1Tesalonika 4:16-18

Udah nya nama utai deka nyadi?

Ko Tuhan Jesus: “ Nadai siko orang nemu, ni maya hari enggau jam nya datai – sida melikat ti
diserega enggau Anak, enda mega nemu; semina Apai siko aja ti nemu.” – Matthew
24:36

Sida ti agi tinggal nya mengkang enda nerima Jesus Kristus lalu sida deka ngasai ka ukom ti ngasoh sida

remban enggau pengambis takut. (2 Tesalonika 2:7-12)

Lalu empat iko penepan kuda deka pegari nunggang kuda ba dunya tu.

1. Penyerang (Pemandang 6:2)

2. Perang (Pemandang 6:4)

3. Lapar pungkang (Pemandang 6:5-6)

4. Pemati (Pemandang 6:8)

Sitan ngada ka pemerintah dunya ti dikerindu bala mensia.

Orang nya deka ngasoh ekonomi dunya stabil enggau mai samoa agama saum begerempong bekaul rapat. Iya

ngasoh orang arap ka iya. Iya meh buah asil ari Sitan lalu iya deka merintah ba
menoa Vatican. Jelu Kampong nya begedi meda Israel (Bansa di pilih Tuhan) – iya
lalu ngaga sempekat bula enggau sida.

Nyadi jelu ti kedua nya bekuasa ngesoh ka seput pengidup ngagai engkeramba jelu ti terubah, ngambi

ka engkeramba nya ulih bejako lalu munoh samoa sida ti enda nyembah iya. –
Pemandang 13:15

Engka nengah jalai IT, Jelu nya ulih ngasoh samoa orang dalam dunya talok ka iya. Sida deka nerima
tanda ba kening tauka ba lengan kanan sida. Enti nadai tanda tu – sida enda
ulih meli utai!** – Pemandang 13:16-17

Tu beguna ka penemu. Barang sapa ti pintar ulih ngira reti pemayoh jelu, laban lumor nya madah ka

nama orang. Nyadi lumor 666 – Pemandang 13:18

Tang Tuhan udah madah ka kitai, “Barang ti nyembah jelu enggau engkeramba iya, lalu nyambut kelai ba

kening iya tauka ba jari iya… samoa ti ngereja nya deka diperinsa dalam api
enggau merirang ba moa sida melikat ti kudus enggau Anak Domba… - Pemandang
14:9-10

Udah nya aku meda mayoh bengkah penudok, lalu sida iya dudok atas penuduk nya diberi kuasa ngator

pechara. Aku mega bisi meda semengat sida ti udah dibunoh, laban sida udah
besaksi pasal Jesus enggau jako Allah Taala. Sida nadai kala udah nyembah jelu
tauka engkeramba iya, nadai mega sida udah nerima kelai jelu atas kening sida
tauka ba jari sida. Sida idup baru lalu megai perintah enggau Kristus dalam
pengelama seribu taun. – Pemandang 20:4

Dunya nyau nyadi penoh enggau kuasa pemetang, penoh enggau bala penyembah sitan. Munoh orang kategal

ugama, dadah, ngerogol, beleman enggau sama penempa. Ngenchuri bisi dini aja
endur, taja pia sida tetap enda ngesal ati ka dosa diri. (Baca Pemandang 9:21;
Luke 17:28)

Bintang nya muka lubang nya, lalu asap pansut ari nya, baka asap pansut ari serumbong api ti

besai bendar; nyadi mata panas enggau langit petang laban asap ti pansut ari
lubang nya. – Pemandang 9:2

Dunya nyau dalam genggam sitan!

Allah Taala nuang mangkuk pengeringat iya ngagai mensia ti bebal

Sebagi ari tiga bagi ai lalu bebali pait, lalu mayoh orang mati udah ngirup ai nya, laban iya udah

bebali pait. – Pemandang 8:11

Sebagi ari tiga bagi tasik lalu bebali nyadi darah. Sebagi ari tiga bagi utai idup dalam tasik mati, lalu

sebagi ari tiga bagi kapal dirusak. – Pemandang 8:8-9

Buntak pansut ari asap nya nyerangkap dunya, lalu sida diberi kuasa sabaka enggau kala. – Pemandang

9:3

Sida betu laban pengangat ti balat, lalu sida bejako ngelaban nama Allah Taala, ti bekuasa atas

penusah nya. Tang sida enggai ngesal sereta ngelengka ka dosa sida lalu muji
pemesai iya. – Pemandang 16:9

Penyakit di tinggang agi penyakit nyerang mensia… agi meh sida enda ngesal ati ka dosa diri

Nyadi tandok sapuloh iti ti dipeda nuan, enggau jelu, deka begedi ngagai indu sundal nya. Sida deka

ngerampas samoa utai ti dikemisi iya lalu neju ka iya telanjai. Sida deka makai
isi iya lalu ngerusak iya ngena api. – Pemandang 17:16

Serega deka enggau pengambis ati gaga.

“Udah nya aku ninga nyawa ti inggar, munyi surak nyawa orang mayoh di serega. Ko sida ‘Alleluia!

Pengelepas, basa, enggau kuasa endang enggi Allah Taala kitai!” – Pemandang
19:1

Tuhan ngelak ka jelu nya ngelari kadiri ngagai Jerusalem laban Tuhan Jesus deka nangkap iya idup

lalu muai iya ngagai danau api. (Peda Pemandang 19:20)

Enggau penoh pengeringat, Jelu Kampong nya merintah bala soldadu iya munoh bala Israel dua

bagi ari tiga bagi orang ti diau di serata menoa nya deka mati. (Sekariah 13:8)

Lalu bisi utai ngacau buah runding jelu nya…Sitan nemu Jesus Kristus deka datai baru merintah dunya ba Jerusalem… iya ngumpol bala soldadu

Sitan nguji ngipa Jesus ba Megiddo, Israel.Udah nya antu nya mai sida rajah begempuru ba endor siti ti dikumbai dalam jako Hebrew Armagedon. –

Pemandang 16:16

"Udah nya aku meda serega tebuka lalu dia bisi siko kuda burak. Nyadi penumpang iya dikumbai Talok

enggau Amat; iya ngukom enggau beperang ngena Pengelurus. Mata iya baka daun
api, lalu iya ngena mayoh macham makota ba pala iya. Iya bisi nama di tulis ba
iya, tang nadai siko orang nemu nama reti utai nya – semina iya siko aja. Baju
nya panjai ti dikena iya dibalut ulih darah. Nama iya “Jako Allah Taala.” Bala
soldadu serega nitih ka iya, nepan atas kuda ti burak sereta ngena gari linin
ti burak sereta beresi.” – Pemandang 19:11-14

PENATAI JESUS KE- DUA KALI

“Peda, iya datai di atas remang! Genap iko orang deka meda iya, nyengkaum sida ti numbok iya. Samoaorang di dunya tu deka ngulit magang kategal iya. Tentu baka nya! Amen.” – Pemandang 1:7

Nyadi jelu nya lalu di tangkap, sama begulai enggau sida nabi ti bula, ti udah ngaga kereja nyelai di

moa iya. (Ngena kereja nyelai nya iya udah ngelakar sida ti bisi kelai jelu
enggau sida ti udah nyembah engkeramba jelu) nyadi jelu enggau nabi bula ti
bula nya sama dibuai idup-idup ngagai danau api ti mau enggau merirang –
Pemandang 19:19-20Nyadi bala soldadu
saduai mati dibunoh pedang ti pansut ari nyawa iya ti nepan atas kuda; lalu burong makai isi sida enggau naka ulih. – Pemandang 19:21

Jesus Kristus, “Rajah Pemaik”, diatu udah nyadi pemerintah dunya. Sida deka nempa pedang sida nyadi

pengeradu tanah…badu agi beperang… perintah serega udah datai (Isaiah 2:4)

“….kenatai ka perintah nuan; nyadi meh peneka nuan di dunya baka dalam serega…” – Matthew 6:10

PENGABIS 1000 TAUN UDAH NYA

Samoa utai pemerinsa dunya udah ambis kemaya nya – tu meh ari maya orang ti mati dalam dosa deka

kena pechara ulih Penempa sida, iya nya Jesus (Pemandang 20:11-15)

Ko Jesus, “Lalu aku meda orang ti mati, sida ti besai enggau mit, bediri ba moa penudok nya.

Bup-bup bisi dibuka, lalu udah nya siti agi bup di buka, iya nya Bup Pengidup.
Sida ti mati nya dipechara ka nitih ka pengawa ti udah dikereja sida, baka ti
ditulis dalam bup.” - Pemandang 20:12

Barang ti nadai nama ditulis dalam Bup Pengidup deka dibuai ngagai danau api magang. – Pemandang

20:12

Pemeri Pengasih Tuhan, peluang pengidup ti meruan agi bisi tang enda lama agi deka abis jam kita deka

ngesal ati. (baca 1 John 5:10-13)

Enti kita arap:

“Laban Allah Taala udah balat rindu ka dunya nya kabuah iya meri Anak tunggal iya, awak ka genap

iko orang ti arap ka iya enda mati, tang tau bulih pengidup ti meruan." – John
3:16

Terima Jesus Kristus nyadi ka Tuhan enggau Juruselamat kita lalu kita deka merintah serega enggau

iya belama iya:

Lalu iya deka muji kita munyi tu: “Manah meh nya, nuan anembiak ti badas sereta lurus… Tama ka

dalam sama bempu pengelantang aku!” – Matthew 25:21

Tang munyi ti udah disebut dalam Bup Kudus: “Utai ti nadai kala dpeda tauka didinga mensia, utai

ti nadai kala diperagam dalam ati tau nyadi, nya meh utai ti udah disedia Allah
Taala ka sida ti rindu ka iya.” – 1 Korint 2:9

P/S Gambar contoh magang kena nyadi bahan rujukan.