Aku meri selamat ari Krismas ngagai kitai semoa lalu kitai diau jenoh enda lama, nyerah kadiri ngagai Allah Taala; meri tabi basa ngalu ka Jesus Kristus begulai enggau kitai ngintu Christmas, aram kitai besampi:
Tuhan Allah Apai ti Pemadu kasih,
Saup kami ngingat ka pengada Anak Nuan Jesus Kristus,
awak ka kami sama bekunsi enggau bala melikat belagu ngena pantun muji iya,
Lalu sama bela gaga ati baka bala pengibun bedus ti terubah meda pengada Nuan Tuhan,
Saritu kami ngingat ka bala temuai Nuan ari menoa Timor ti bepengelandik pasal bintang,
sida meda bintang nuan nya ayan adap ka timor lalu saritu pengelepas kami udah di ada ka,
Penampak Nuan udah nerangka seluroh dunya,
lalu kami nitih ka sida iya mai pemeri ngagai nuan Tuhan,
iya nya kami mai pemeri piring tuboh kami empu ti diserah kami ngagai nuan.
Tutup semoa pintu ti jai; lalu Nuan udah muka pintu Pengerindu ba dunya tu.
Awak ka pemadas datai baka ujan ti lebat; awak ka juluk ati mensia penoh enggau pengaga.
Lepas kami ari tanggam dosa nengah berkat ti di bai Kristus ka kami,
lalu ajar kami nyadi orang ti penoh enggau pengaga awak ka kami diau dalam ati ti tuchi.
Kami besampi minta hari Christmas tu ti ila penoh enggau pengaga ati laban kami diatu udah nyadi Anak Nuan,
sereta beri berkat ka runding kami awak ka penoh enggau runding ti badas, ngampun ka orang bukai sereta kami mega udah di-ampun ka Nuan Tuhan, Dalam nama Apai, enggau Anak, enggau Roh Kudus kami udah besampi. Amen.
No comments:
Post a Comment