TERUS IDUP ENGGAU KRISTUS – Bagian 4

Bekelala enggau Jesus Kristus (1)

1. Jesus Kristus tu Anak Tuhan. Mayoh kali kitai meda dalam Bup Kudus madah ka Jesus nya Anak Tuhan.

a) (S) Baca Matthew 14:28-33 "Udah nya Peter angkat lalu bejako, ko iya, 'Tuhan, enti nya amat nuan, asoh aku bejalai atas ai mansang ngagai nuan.' 'Kitu meh!' pia ko Jesus. Nya alai Peter angkat ari perau lalu bejalai atas ai mansang ngagai Jesus. Tang leboh iya meda ribut nyau majak balat, iya lalu takut, nya alai iya lalu belaboh deka tengelam ka dalam ai. 'Idup ka aku, Tuhan!' pia ko iya ngangau. Jesus nangkap iya tekala nya lalu bejako, 'Pengarap nuan agi mekang! Nama kabuah nuan kakang ati? ' saduai bela nepan ka dalam perau, lalu ribut ngetu betiup. Sida murid iya ti dalam perau bela nyembah Jesus. 'Amat meh nuan tu Anak Allah Taala!" pia ko sida." Lapa bala pangan Jesus (Murid Jesus) madah ka iya Anak Tuhan?

(J) Laban Jesus bejalai atas ai lalu ngasoh ribut ngetu betiup.

b)      Baca Rome 1:4. “pasal iya di datai ari Allah Taala; pengidup iya tuchi, nya dipadah enggau kuasa ti besai iya nya endang amat Anak Allah Taala, ulih iya di-angkat ka ari mati pulai idup baru.” Jesus udah di kumbai Anak Allah Taala iya ti bekuasa laban Roh Kudus iya ti di padah angkat ba entara orang mati, reti nya iya idup baru. Tu meh kabuah kitai arap ka Jesus nya Anak Tuhan

2. Jesus mega MENSIA. Jesus nyadi MENSIA awak ka Iya ulih ngasai ka pengidup sereta penguji kitai.

a)      (S) Baca John 11:35 “Jesus nyabak”.  Kati genteran tu madah ka kitai Jesus nya sama baka kitai?

(J) Laban Jesus nyabak bisi penyinu baka kitai mensia bukai.

b)      (S) Baca Luke 2:40, “Anak mit nya mansang besai sereta kering. Iya besai penemu lalu pengasih Allah Taala bisi enggau iya.” John 4:6, “Telaga Jakop mega bisi dia. Nyepi diri nyau ikak bejalai, Jesus ngetu dia lalu dudok di tisau telaga nya. Maya nya kira tengah ari.” Hebrew 2:18 “Lalu diatu iya ulih nulong sida kena penguji, laban iya empu udah kena penguji sereta udah merinsa.”Sebut tiga bengkah utai ti mandang ka Jesus nya mensia.

        i.            Iya mansang besai

      ii.            Iya ikak

    iii.            Iya merinsa

c)      Baca 1 Peter 2:22, “Iya nadai kala bepenyalah tauka nyebut jako bula.” Kadang kitai kala kena penguji ti ngasoh kitai ngaga penyalah. Jesus mega kala kena penguji tang Iya enda kala ngaga dosa nya utai ngelaie kitai ari Jesus.

d)     Kitai udah nemu Jesus nya Tuhan sereta iya mega mensia. Nyata endar utai ka manah ba ditu dalam jerita pengada iya ti penoh enggau kuasa.

(S) Baca Luke 1:35 “Di saut melikat, ‘Roh Kudus deka datai ba nuan, lalu kuasa Allah Taala deka diau ba nuan. Nya alai leboh anak mit nya di-ada ka, iya dikumbai Anak Allah Taala.” Nama utai di padah melikat ngagai Maria pasal Jesus ti deka datai ka dunya?

(J) Roh Kudus deka datai ngagai nuan lalu kuasa Allah Taala ti pemadu bekuasa deka diau enggau nuan lalu nuan deka ngada ka Kristus ti anak Allah Taala.

Jesus lalu di kumbai kitai enggau nama “Immanuel” laban nama nya reti iya “Tuhan bisi enggau kitai”

Genteran ti tau di kingat

1 Peter 2:22