Nya alai aku deka meransang dalam juluk ati aku begulai enggau Tuhan. Tu meh kebuah aku di tempa. Tang secara realiti iya aku tu diau dalam dunya ti bangat kelalu inggar, balat tusah deka bulih tempat ti sunyi, nyau makin lama diri nganti kedeka ngasai ka Iya dalam pengidup. Tuhan ngajar kitai siti jerita ti nyelai pasal Elijah. Ba 1 Rajah 19:11-13 Tuhan ngasoh Elijah ngadang diri leboh iya ngirum ka ribut ti mangka munggu batu ti ngelingi Elijah lalu ngasoh batu nya pechah, udah nya tanah berenyang lalu meletup, api lalu pansut ari tanah. Penulis tu madah ka Tuhan nya ukai ribut, ukai tanah, tauka api. Lalu nya Tuhan bejako enggau Elijah munyi “jako ti mit”, tauka ka ba note dalam Bup Kudus aku madah, “sora ti betelai enggau lembut.”
Email, radio, TV, tebah lagu, talipaun, surat majalah, blog, berita, facebook, enggau bala kami sekayu bilik… Sapa entara kitai ulih ninga ka sora ti betelai enggau lembut? Ditu alai ati aku di-genggam enggau rat lalu aku nyabak ngenang ka pemanah utai ti udah diberi iya ka kitai semoa: iya nya Jako Tuhan. Sora Tuhan enggau Pengasih iya sereta pesan iya udah di record iya dalam enam-puloh-enam iti bup dalam Bup Kudus, tu iya deh depan mata aku empu, ngerimbai lengan aku ti naip surat tu, jako iya semampai bisi begulai enggau aku siang enggau malam. Enda semoa orang udah nerima pemeri tu ari Iya, (Nya alai aku meransang kitai semoa besokong ngerembai ka Jako Tuhan ngagai orang ti bedau ninga Jako Iya), Tang aku endang semampai ninga utai ko Iya.
Ketu meh gaya iya: Aku biasa iya duduk seraya macha pesan Iya ti di tulis dalam Bup Kudus dalam pengelama setengah jam sehari, Tang aku deka ninga utai ko Tuhan sepanjai ari, tang apuuu, kelalu inggar utai di-dinga dalam untak aku. Taja pan nadai bunyi tebah lagu, TV tutup, nadai orang di-rumah semina aku aja, lalu (secara teori iya) laptop aku ba ruang bilik bukai, kelalu mayuh endar bunyi tebah dalam pala aku, nyau lemas Jako iya. List meli barang dapur agi enggau leka lagu nyau mantul kin kitu, nyau irau deka nelipaun bala kaban, deka sms mega, sereta irau ka pendiau gaya diri, Sistem auto-pay endang manah, tang chukop kah enda belanja kena mayar bil Mastercard, lalu kati enggau belanja dapur agi deh?
Aku deka ngiga jalai kati aku deka ninga sora Tuhan ari semoa utai statik tadi, diatu aku udah nemu kati. Sedia kita?
Genteran nya di kingat ka aku (memorize the scripture)
Kati runding kita ngumbai tu jalai baru deka ninga sora Tuhan? Aku enda ngaku tu jalai ti baru. Aku pecaya endar tu jalai ti lama udah di kena, kenyau 1000 B.C, Rajah David bisi nulis leka pantun madah ka utai ti chukop manah iya nya ngebuan Jako Tuhan dalam ati kitai empu. Aku udah ngingat ka beberapa iti genteran kena aku ngasai ka pengelantang dalam idup, enggau nitih ka teladan ti di tulis nya mega ulih negap ka pengarap aku dalam runding aku kemaya ari tu.
Tang juluk ati aku deka ngingat ka mayuh agi genteran dalam Bup Kudus. Aku besemaya deka nyimpan leka Jako Iya baka reta ti paling mar lebih ari intan, emas enggau belian. Mayuh agi genteran dalam untak aku, suah agi aku ninga jako Iya awak ka aku enda ninga utai ti enda menuku dalam runding aku. Ko Jesus “raban domba aku ninga ka munyi nyawa aku; aku nemu sida lalu sida nitih ka aku.” (John 10:27). Jesus tu meh Logos, Jako ti nyadi mensia. Aku deka ngambi masa ti lama kena belajar, lalu enggau bendar aku ngerajin ka diri, lalu aku deka menang sereta nyimpan Jako nya dalam atiku, awak ka aku ulih ninga ka telai Iya ngagai aku. Lalu sora iya datai ngagai aku baka leka orang ti berandau betunga enggau aku.
harijam